ಇರಾನ್
: ಹೆಣ್ಣು ಮನಸ್ಸು ಮಾಡಿದ್ರೆ ಏನು
ಬೇಕಾದ್ರೂ ಮಾಡಬಹುದು ಅನ್ನೋ ಮಾತಿದೆ. ಅದರಲ್ಲೀ
ನೋಡೋಕೆ ಒಂದಿಷ್ಟು ಸುಂದರವಾಗಿದ್ದರೆ ಪ್ರಳಯವನ್ನೇ ಮಾಡಿಸಬಹುದು ಅಂತ ದೊಡ್ಡೋರು ಹೇಳ್ತಾರೆ.
ಆದರೆ ಆ ಊರಲ್ಲಿ ನಿನಾ
ಸಿಯಾಕಲಿ ಎಂಬ ಹೆಣ್ಣುಮಗಳು ಸುಂದರವಾಗಿ
ಇದ್ದುದ್ದೇ ತಪ್ಪಾಗಿತ್ತು. ಆಕೆ ಸುಂದರವಾಗಿದ್ದಿದ್ದಕ್ಕೆ ಮೇಯರ್ ಪಟ್ಟವೇ
ಕೊಡಲ್ಲ ಅಂದುಬಿಟ್ಟರು..!
ಇಂಥಾ ವಿಚಿತ್ರ ಘಟನೆ ನಡೆದಿದ್ದು.
ಇರಾನ್ ದೇಶದಲ್ಲಿ. ಇರಾನ್ನ ಕ್ವಾಜ್ವಿನ್
ನಗರದಲ್ಲಿ ಕೌನ್ಸಿಲರ್ ಎಲೆಕ್ಷನ್ ನಡೆದಿತ್ತು. ಗೆಲುವು ಸಾಧಿಸಿದ 163 ಅಭ್ಯರ್ಥಿಗಳಲ್ಲಿ
ಸಿಯಾಕಲಿ ಕೂಡ ಒಬ್ಬರಾಗಿದ್ದರು. ಆಕೆ
10,000 ಮತಗಳನ್ನು ಪಡೆದು ಪ್ರಮುಖ ಸ್ಥಾನದಲ್ಲಿದ್ದು.
ಆದರೆ ಅವಳು "ತುಂಬಾ ಸುಂದರಿ"ಯಾಗಿದ್ದು
ಆಕರ್ಷಕಳಾಗಿದ್ದಳು. ಹೀಗಾಗಿ ಅವಳನ್ನು ಮೇಯರ್
ಕುರ್ಚಿಯಲ್ಲಿ ಕೂರಿಸಲು ಯಾರೂ ಒಪ್ಪಲಿಲ್ಲ.
ಆ ಪ್ರದೇಶದ ಕಾನೂನಿನ ಪ್ರಕಾರ
"ತುಂಬಾ ಸುಂದರವಾಗಿರುವವರು" ಮೇಯರ್ ಹುದ್ದೆಯಲ್ಲಿ ಕೂರುವಂತಿಲ್ಲವಂತೆ.
ಯಾಕೆ ಹೀಗೆ ಅಂತ
ಆಕೆ ತಜ್ಞರನ್ನು ಸಂಪರ್ಕಿಸಿದ ವಿಚಾರಿಸಿದರು. "ಇಸ್ಲಾಮಿಕ್ ನಿಯಮದ ಪ್ರಕಾರ ಕ್ಯಾಟ್ವಾಕ್ ಮಾಡುವ ಮಾಡೆಲ್ಗಳನ್ನು ಕೌನ್ಸಿಲ್ನಲ್ಲಿ
ಕೂರಿಸುವಂತಿಲ್ಲ" ಎಂದು ಅವರೂ ಉದ್ದುದ್ದ
ಭಾಷಣ ಬಿಗಿದರಂತೆ.
ನಂತರದಲ್ಲಿ ಅಂತರ್ರಾಷ್ಟ್ರೀಯ ಮಾನವ ಹಕ್ಕುಗಳ ಆಯೋಗದ ಮೊರೆ ಹೋದಾಗ ಅವರು ಈ ಸಮಸ್ಯೆಯನ್ನು ಬಗೆಹರಿಸಿದರಂತೆ.
"ಯಂಗ್ ಐಡಿಯಾಸ್ ಫಾರ್ ಎ ಯಂಗ್ ಫ್ಯೂಚರ್"
ಅಂತ ಹೇಳಿ ಸಮಸ್ಯೆಗೆ ಮುಕ್ತಾಯ ಹಾಡಿದ್ರಂತೆ.
